Cando
eu era Neno-Deus en Marín (e que Juan Ramón Jiménez me perdoe), gustaba de
pasar polo monolito adicado a Juan Antonio Gago de Mendoza, mariño marinense
nado na Brea, una aldea de Seixo, parroquia de Marín, un sete de novembro de
1761. Loitou contra os ingleses e contou cunha
patente de corso do rei Carlos IV. No ano 1800, Gago de Mendoza venceu
en Aguete aos ingleses e comenzou a construir o pazo de Chirleu do que despois
falarei. Eu, lémbrome especialmente de Gago, porque foi o comandante das
Alarmas do Morrazo, a península que separa as rías de Pontevedra e Vigo. As
Alarmas foron un sistema de defensa que alertaba ao Morrazo do peligro dos
franceses. Gago liberou Marín das tropas galas e participou tamén na famosa
batalla de Pontesampaio na cal é fama que os soldados galegos combatiron ao son
da muiñeira de Pontesampaio. Gago de Mendoza tamén loitou na reconquista de
Vigo xunto ás tropas ourensans de Cachamuiña de quen vos falarei noutra
entrada.
Gago de Mendoza, na punta de Chirleu,
construíuse un pazo que aínda é propiedade dos seus descendentes e, nos seus
comenzos, tiña foxo, porto propio e muralla. Despois pasou a ser fábrica de
salgadura e estaleiro. O pazo é agora a sede do Náutico de Aguete, pero na
vivenda principal, en cuxa porta pode verse o escudo de armas da familia, viven
os descendentes do ilustre mariño marinense. Eu, que tantas veces percorrín o camino
das praias, sinto agora, no medio e medio de Castela, como o vento mareiro se
chega a miña xanela e peta nos vidrios para contarme vellas historias de
corsarios, franceses e mariños valentes. Non sei, serán cousas da idade.
No hay comentarios:
Publicar un comentario